ଚୀନ୍ ଓ ରୁଷର ପ୍ରତିରକ୍ଷା ମନ୍ତ୍ରୀମାନେ ଦିଲ୍ଲୀରେ ଏସସିଓ ବୈଠକରେ ଯୋଗଦେବେ

୨୭-୨୮ ଏପ୍ରିଲରେ ଦିଲ୍ଲୀରେ ଅନୁଷ୍ଠିତ ହେବାକୁ ଥିବା ଆଗାମୀ ସାଂଘାଇ ସହଯୋଗ ସଂଗଠନ (ଏସସିଓ) ବୈଠକରେ ଚୀନ୍ ଏବଂ ରୁଷର ପ୍ରତିରକ୍ଷା ମନ୍ତ୍ରୀମାନେ ସେମାନଙ୍କର ଅଂଶଗ୍ରହଣ ନିଶ୍ଚିତ କରିଛନ୍ତି ବୋଲି ଜଣାପଡିଛି।

ଚୀନ୍ ପ୍ରତିରକ୍ଷା ମନ୍ତ୍ରୀ ଲି ଶାଙ୍ଗଫୁ ଏବଂ ରୁଷ ପ୍ରତିରକ୍ଷା ମନ୍ତ୍ରୀ ସେରଗେଇ ଶୋଏଗୁ ଆସନ୍ତା ୨୭ ଏପ୍ରିଲରେ ଭାରତୀୟ ପ୍ରତିପକ୍ଷ ରାଜନାଥ ସିଂଙ୍କ ସହ ଦ୍ୱିପାକ୍ଷିକ ବୈଠକ କରିବେ ବୋଲି ଆଶା କରାଯାଉଥିବାବେଳେ ଗୋଟିଏ ଦିନ ପରେ ମୁଖ୍ୟ ଏସସିଓ ପ୍ରତିରକ୍ଷା ମନ୍ତ୍ରୀଙ୍କ ବୈଠକ ଠକ ଅନୁଷ୍ଠିତ ହେବ।

ମଇ ମାସରେ ଭାରତ ଏସସିଓ ବୈଦେଶିକ ମନ୍ତ୍ରୀଙ୍କ ବୈଠକ ଆୟୋଜନ କରିବାକୁ ଯାଉଛି। ଜୁଲାଇରେ ଅନୁଷ୍ଠିତ ହେବାକୁ ଥିବା ଏସସିଓ ସମ୍ମିଳନୀରେ ଏହି ସଭାଗୁଡ଼ିକ ସମାପନ ହେବ। ୨୦୧୭ ରେ ଗ୍ରୁପରେ ଯୋଗଦେବା ପରଠାରୁ ଭାରତ ପ୍ରଥମ ଥର ପାଇଁ ଏହି କାର୍ଯ୍ୟକ୍ରମ ଆୟୋଜନ କରିବ। ଏସସିଓରେ ଆଠଟି ସଦସ୍ୟ ରାଷ୍ଟ୍ର ଅନ୍ତର୍ଭୁକ୍ତ — ଭାରତ, ଚୀନ୍, କାଜାଖସ୍ତାନ, କିର୍ଗିଜସ୍ଥାନ, ପାକିସ୍ତାନ, ରୁଷ , ତାଜିକିସ୍ତାନ ଏବଂ ଉଜବେକିସ୍ତାନ